Federación de Asociacións Vecñais Limiar

A Federación de AA. VV. de Ourense Limiar é unha entidade de carácter privado sen ánimo de lucro que ten entre os seus fins principais os seguintes:

Coordina-las actividades das asociacións integradas para conseguir a unidade de acción para unha mellor consecución dos obxectivos propostos.
O estudio e resolución no eido da súa competencia, dos problemas inherentes da vida cidadá e o seu traslado as autoridades competentes.
A defensa dos intereses de tódalas asociacións federadas, dentro do marco das súas respectivas competencias e diante das instancias públicas.
O estimulo das liñas de actuación de tódalas asociacións federadas, facilitando a estas canta información, asesoramento, e axuda técnica poidan serlle formuladas no interese do cumprimento dos seus fins.
A realización de actividades directas ou indirectas que tendan a fortalecer ás asociacións federadas ou a propia federación dentro do ordenamento constitucional vixente, utilizando para elo os recursos previstos na lei.
A mellora das condicións de vida de tódolos veciños de Ourense, en materia de sanidade, vivenda, ensino, ecoloxía, urbanismo, deporte, seguridade cidadá, servicios públicos, etc.
Fomentar, deseñar e xestionar programas dirixidos a xuventude en defensa dos seus intereses, potenciando para elo os seus valores.
Promover e acceder a tódolos programas establecidos e dirixidos a muller, que favorezan o proceso cultural, educativo e social desta, potenciando o asociacionismo voluntario.
Dar información, apoio, animación, asistencia e acompañamento a todo o que sexa de interese social relacionado coa terceira idade. Servir de foro de debate das distintas asociacións federadas. En xeral cantos fins lícitos e legalmente permitidos se encontren no espírito destes estatutos.

NOVAS

Boletíns Oficiais

Organismos Públicos

Prensa Dixital